Sigurður og Davíð sigurvegarar dagsins

Það var vor í mönnum og hestum sem mættu á skeiðmót Meistaradeildar Cintamani í dag en það náðust frábærir tímar miðað við árstíma. Þeir Davíð Jónsson og Konráð Valur Sveinsson börðust hart um sigurinn í gæðingaskeiðinu en það fór svo að Davíð sigraði með 8,08 í einkunn en Konráð var annar með 7,96. Þriðji varð Árni Björn Pálsson á Villingi frá Breiðholti í Flóa með 7,63 í einkunn og náði að minnka muninn enn frekar milli sín og Jakobs í einstaklingskeppninni. Jakob leiðir keppnina enn en nú munar einungis 1,5 stigi á þeim félögum.

Í 150m. skeiðinu var það Sigurður Vignir Matthíasson sem fór með sigur úr bítum en þetta er annað árið í röð sem hann sigrar þessa grein á Létti frá Eiríksstöðum. Þeir voru með langbesta tímann eða 14,17 sek. en annar í röðinni var Guðmundur Björgvinsson á Glúmi frá Þóroddsstöðum með tíman 14,38 sek og þriðji varð Hans Þór Hilmarsson á Vorsól frá Stóra-Vatnsskarði með tímann 14,71 sek. 

Lið Ganghesta / Margrétarhof / Equitec nældi sér í liðaplattann í gæðingaskeiðinu en lið Hrímnis / Export hesta nældi sér í plattann í 150m. skeiðinu en liðið leiðir nú liðakeppnina. 

Niðurstöður gæðingaskeið

Niðurstöður 150m. skeið