Ráslisti fyrir gæðingafimina

Keppt verður í gæðingafimi í Samskipahöllinni í Spretti á morgun en ráslistinn fyrir mótið er klár. Keppni hefst kl. 19:00 og er það Eyrún Ýr Pálsdóttir sem ríður á vaðið á Hafrúnu frá Ytra-Vallholti en þær Eyrún og Hafrún stóðu sig vel í fjórgangnum. Margir spennandi hestar eru skráðir til leiks en fjórir hestar af fimm sem voru í úrslitum síðast í þessari grein eru skráðir til leiks. Árni Björn Pálsson mætir með Skímu frá Kvistum en þau sigruðu greinina í fyrra með 8,31 í einkunn. Jakob Sigurðsson mætir með Gloríu frá Skúfslæk en þau voru í öðru sæti í fyrra. Ásmundur Ernir mætir á Speli frá Njarðvík en þeir voru í þriðja sæti og sigurvegarar fjórgangsins Elin Holst og Frami frá Ketisstöðum mæta en það eru eflaust margir spenntir að sjá hvernig þeim tekst til.

Margir nýir eru einnig skráðir til leiks Sigurður Óli Kristinsson er skráður með Hreyfil frá Vorsabæ en Hreyfill hefur vakið mikla athygli síðustu ár. Lukku-Láki frá Stóra-Vatnsskarði og Hans Þór Hilmarsson keppa fyrir hönd Ganghesta/Margrétarhofs. Gangmyllan stillir upp sama liði og í fjórgangnum en Freyja Amble keppir á Álfastjörnu frá Syðri-Gegnishólum og Bergur Jónsson á Kötlu frá Ketilsstöðum.

Eitt er víst að þetta verður hörku spennandi keppni. Húsið opnar 17:00 en boðið verður upp á veitingar fyrir og á meðan mótinu stendur. Klukkan 18:00 munu dómarar síðan fara yfir það hvernig gæðingafimin er dæmd því um að gera mæta snemma fá sér að borða og hlusta síðan á dómarana og fræðast meira um gæðingafimina. Heimsmeistarinn Kristín Lárusdóttir verður einnig með upphitunarhest sem og sigurvegari parafiminnar í Suðurlandsdeildinni Lea Schell. Einnig er hægt að horfa á mótið í beinni útsendingu á Stöð 2 sport eða inn á livesports.is. 

Dagskrá

17:00 Húsið opnar
18:00 Dómarar spjalla - Hvernig dæmum við gæðingafimina
18:30 Upphitunarhestar - Heimsmeistarinn Kristín Lárusdóttir og sigurvegari parafiminnar í Suðurlandsdeildinni Lea Schell
19:00 Keppni hefst

Hér fyrir neðan er ráslistinn: