Ráslistar klárir fyrir skeiðmótið

Þá eru ráslistar klárir fyrir skeiðmótið sem fer fram á laugardaginn 30. mars kl. 11:00 á Brávöllum á Selfossi. Skeiðfélagið mun sjá um mótið með okkur enda fagmenn fram í fingurgóma. Við mælum með að allir fjölmenni á Selfoss og horfi á fljótustu hross landsins.

Eins og áður sagði hefst mótið kl 11:00 en enginn aðgangseyrir er á mótið. Keppt verður í gæðingaskeiði og 150m. skeiði og eru tveir villikettir skráðir til leiks en annar keppir fyrir lið Gangmyllunnar og hinn fyrir lið Árbakka / Hestvits / Sumarliðabæjar. Það var Davíð Jónsson og Irpa frá Borgarnesi sem sigruðu gæðingaskeiðið í fyrra en 150m. skeiðið sigraði Sigurður V. Matthíasson á Létti frá Eiríksstöðum. Þeir eru báðir skráðir aftur til leiks í ár en spennandi verður að sjá hver stendur uppi sem sigurvegari þetta árið. Á þessu móti safnast mörg stig og oftar en ekki verða hrókeringar í bæði liða- og einstaklingskeppninni.

Fylgist með Meistaradeildinni á Instagram undir nafninu meistaradeildin en þar er margt að gerast, live viðtöl við knapa og margt fleira skemmtilegt. Endilega merkið okkur á myndir / myndbönd sem þið takið á viðburðinum með #meistaradeildin

Ráslistar