Ráslisti fyrir fjórganginn

Þá eru ráslistarnir klárir fyrir fjórganginn en fyrst í braut er sigurvegarinn frá því í fyrra, Elin Holst á Frama frá Ketilsstöðum. Það er því augljóst að línurnar verða lagðar strax í byrjun en margir veðja á að þau muni blanda sér í toppbaráttuna. 

Bergur Jónsson var annar í fyrra á Kötlu frá Ketilsstöðum en hann mætir í ár á Glampa frá Ketilsstöðum, mjög efnilegum fjórgangarann en spennandi er að sjá hvernig þeim tekst til. Jakob Svavar mætir með Júlíu frá Hamarsey en þau voru í þriðja sæti í fyrra og nokkuð öruggt að þau munu blanda sér í toppbaráttuna ásamt þeim Árna Birni Pálssyni og Straumi frá Sólvangi en þeir voru einnig í A úrslitum í fyrra. Aðrir sem náðu A úrslitum í fyrra, Freyja Amble, Sigurður Matthíasson og Guðmundur Björgvinsson mæta með nýja hesta til leiks.

Miðasala gengur mjög vel en ársmiðar rjúka út og greinilegt að margir vilja tryggja sér húfu frá Cintamani sem er næstum jafn mikils virði og andvirði ársmiðans. Við mælum því með að fólk tryggi sér miða inn á TIX.IS.  Athugið að húfurnar verða afhentar andyri reiðhallarinnar.

Húsið opnar kl. 17:00 en setning deildarinnar hefst kl. 18:30. Það er því nægur tími að koma snemma og njóta dýrindis veitinga í veislusal Samskipahallarinnar. Boðið verður upp á súpu og kjúklingabringur í pestó rjómasósu með hrísgrjónum og fersku salati. 

Einnig minnum við á fyrir þá sem búa utan landsteina eða út á landi að hægt er að horfa á deildina beint inn á OZ.COM eða gerast áskrifandi inn á Stöð 2 Sport

Rásröð