Dagskrá vetrarins

Meistaradeildin hefst 9. febrúar en fyrsta mótið fer fram í Fákaseli og keppt verður í fjórgangi. Í fyrra var ákveðið að halda eitt mót í Samskipahöllinni í Spretti í Kópavogi og þótti það takast með ágætum. Því hefur verið ákveðið að halda tvö mót þar í ár en gæðingafimin sem fer fram 23. febrúar verður haldin í Samskipahöllinni sem og lokamótið 7. apríl en þá verður keppt í tölti og skeiði í gegnum höllina.