Jakob og Skýr sigra í annað sinn

Jakob S. Sigurðsson og Skýr frá Skálakoti sigruðu fimmganginn annað árið í röð. Nokkuð var um sviptingar í A úrslitunum en eftir forkeppni var Olil Amble á Álfarni frá Syðri-Gegnishólum með 7.13 í einkunn. Jafnir í 2-3 sæti voru þeir Hinrik Bragason á Byr frá Borgarnesi og Jakob á Skýr með 7,07 í einkunn. Jakob og Olil höfðu sæti skipti í A úrslitum en það gat ekki munað minna en Olil og Álfarinn hlutu 7,45 í einkunn einungis 0,03 minna en Jakob. Í þriðja sæti endað síðan Teitur Árnason á Sjóð frá Kirkjubæ með 7,38 í einkunn. 

Top Reiter héldu forustunni í liðakeppninni en þeir eru með 139 stig. Lið Hrímnis/Export hesta náðu þó að minnka munin örlítið og eru með 132,5 stig og í öðru sæti. Lið Líflands er komið í þriðja sæti með 124,5 en lið Ganghesta/Margrétarhofs tryggðu sér fjórða sæti eftir frábært gengi í fimmgangnum, tveir knapar í úrslitum og hlutu þau liðaplattann að launum. 

Í einstaklingskeppninni styrkti Jakob stöðu sína enn frekar en hann er efstur með 32 stig. Í öðru sæti er Aðalheiður Anna Guðjónsdóttir með 21 stig og í því þriðja er Árni Björn Pálsson með 18,5 stig. Það getur allt gerst bæði í liða- og einstaklingskeppninni en nóg er af stigum í pottinum.

Hér fyrir neðan eru síðan niðurstöður kvöldsins en næst verður keppt í gæðingafimi þann 14.mars og mun keppnin fara fram í TM höllinni í Víðidalnum.

Niðurstöður - Fimmgangur - A úrslit

Niðurstöður - Fimmgangur - Forkeppni