Ráslisti fyrir slaktaumatölt T2

Næsta keppni er slaktaumatölt en það verður haldið í Samskipahöllinni í Spretti í Kópavogi. Keppni hefst kl. 19:00 en fyrstur í braut er Teitur Árnason á Brúneyju frá Grafarkoti en þau keppa fyrir lið Top Reiter. Teitur og Brúney voru í a úrslitum í fyrra, þriðja sæti, og verður gaman að sjá hvort þau leiki sama leikinn í ár. Jakob S. Sigurðsson keppir á Júlíu frá Hamarsey en þau sigruðu þessa grein í fyrra. Sigurvegarar fjórgangsins, Árni og Flaumur, eru skráðir til leiks og verður spennandi að sjá hver árangurinn verður í þessari grein. 

Villiköttur er skráður til leiks en hann keppir fyrir lið Auðsholtshjáleigu. Hvert lið hefur tækifæri á að nýta sér svokallaðan villikött einu sinni yfir keppnistímabilið.

Húsið opnar á slaginu 17:00 en eins og áður verður boðið upp á dýrindis veitingar og síðan kl. 17:45 verður Hesta-quiz, skemmtileg spurningarkeppni um allt sem tengist hestamennsku. 

Við viljum benda fólki á að ekki verður sýnt frá keppninni beint á RÚV2 einungis inn á ruv.is. 

Ráslisti