Ráslisti fyrir fjórganginn

Fyrsta mót Meistaradeildar í hestaíþróttum hefst á fimmtudaginn með keppni í fjórgangi. Ráslistinn er klár en fyrstur í braut er Þórarinn Ragnarsson á Spunasyninum, Leik frá Vesturkoti. Sigurvegarinn frá því í fyrra, Jakob Svavar Sigurðsson mætir með annan hest, Herkúles frá Ragnheiðarstöðum og verður spennandi að sjá hvað þeir gera. Íslandsmeistararnir í fjórgangi, Árni Björn Pálsson og Flaumur frá Sólvangi, eru 12 í rásröðinni. Það lítur allt út fyrir að þetta verði hörku keppni í Samskipahöllinni þar sem bestu fjórgangarar landsins etja kappi saman.

Húsið opnar kl. 17:00 en setning deildarinnar hefst kl. 18:30. Það er því nægur tími að koma snemma og njóta dýrindis veitinga í veislusal Samskipahallarinnar og taka þátt í Hesta-Quizinu þar sem glæsilegir vinningar eru í boði. 

Miðasala gengur mjög vel en mælum við með því að fólk tryggi sér miða inn á TIX.IS.  

Einnig minnum við á að hægt er að horfa á deildina beint inn á oz.com/meistaradeildin en einnig verður sýnt beint frá deildinni á RÚV 2.

Ráslistinn.